మీ పిల్లలు మీ పిల్లలు కారు. వాళ్ళు జీవితేచ్చకు జన్మించిన వాళ్ళు . వాళ్ళు మీ ద్వారా వచ్చారు తప్ప మీ నుండి కాదు . వాళ్ళు మీతో ఉన్నా మీకు చెందరు .మీరు వాళ్ళతో ఉండాలని ప్రయత్నిస్తే ప్రయత్నించారు గాక, వాళ్ళు మీలా ఉండాలని మాత్రం అనుకోకండి. ఎందుకంటే జీవితం వెనక్కు మళ్ళదు గనకా, నిన్నటితో మళ్ళీ అతుక్కుపోదు గనకా ..ఖలీల్ జిబ్రాన్

29, జనవరి 2018, సోమవారం

అయ్యప్ప

పాపాయి అన్నదీ , తాత అయ్యప్పా అయ్యప్పా అని పూజ చేస్తాడు కానీ , అయ్యప్ప ఎలా పుట్టాడో మాత్రం తాత తెలుసుకోలేదు .

26, జనవరి 2018, శుక్రవారం

'రాముడు !

పాపాయి చెప్పింది .. '' ఎవరో ఏదో అన్నారని సీతని వదిలేసిన రాముడి ని పూజించడం చట్టరీత్యా  నేరం ''. చిన్న స్థాయినుండి వచ్చి ఎదిగిన ,ధర్మం కోసం నిలబడతానని చెప్పిన కృష్ణుడు పూజనీయుడు . 
 Image result for ramudu

26, డిసెంబర్ 2016, సోమవారం

పొగిడే మిషన్

 మొన్నో రోజు పాపాయి ఫోన్ చేసింది . వీడియో కాల్ . ఇల్లంతా సందడి సందడి గా వుంది . ''నీకేం  లేవే , అదృష్టవంతురాలివి , అవ్వ ,తాత , అత్తలు మావలు , తమ్ముడు .... నాకు చూడు  ఇల్లంతా ఖాళీ ''అంటే పాపాయి వెంటనే ''నీకేమమ్మా , ఆల్ ఇన్ వన్ నాన్న వున్నాడు కదా , అమ్మ నాన్న తమ్ముడు ఇంకా నిన్ను పొగిడే  మిషన్ కూడా కదమ్మా నాన్న'' అంది

మోడీ గారు

నెల్లూరులోవిద్యావంతుల వేదిక నుండి  డీమోనిటైజేషన్ పై రౌండ్ టేబుల్ కాన్ఫరెన్స్ పెట్టాం . పాపాయి వంతు వచ్చినప్పుడు , ''నోట్ల రద్దు వలన నాకయితే ఏం ఇబ్బంది రాలేదు కానీ మా తాత చాలా ఇబ్బంది పడ్డాడు. పెన్షన్ తెచ్చుకోలేకపోయాడు . ఎంతసేపు లైన్లో నిలబడినా వీలుకాలేదు . మోడీ గారు కెన్యా లాగ భారత్  ను కూడా డిజిటలైజ్ చేస్తే బాగుంటుంది '' అని చెప్పింది . మేమందరం మోడీ గారిపై మీ అభిమానం బాగుంది అని వెక్కిరించడం మొదలు పెట్టాం . అప్పుడు అది '' కాదమ్మా , ఆయనెంత గొప్పవాడు చెప్పూ ... అంత పేదరికం నుండీ, కింది కులం నుండీ ప్రధానమంత్రి అయ్యాడు . గొప్ప కాదా ... గౌరవించవద్దా ?'' అని ప్రశ్నించింది . నిజమే కదా , ప్రధానమంత్రులు అందరు ఆ తానులో ముక్కలే అయినప్పుడు , పేదరికం నుండి వచ్చినందుకు ఆయనకివ్వాల్సిన గౌరవాన్ని ఆయానికిచ్చే తీరాలిగా . యు ఆర్ రైట్ పాపాయి గారు ,మోడీ గారు గొప్పవారు .

8, ఏప్రిల్ 2015, బుధవారం

నాన్నకి తగ్గ కూతురు




స్త్రీవాదిని కూడా కాబట్టి పాపాయి వాళ్ళ నానకి నువ్వు నాకు నచ్చావ్ ... కలిసుందాం రా .. . అని నేనే చెప్పాను . అలా చెప్పే రోజున పల్లకీలో వున్న పెళ్లి కూతురు ,బోయీలు [స్వయంగా ]ఎంబ్రాయడరీ చేసిన బంగారు రంగు చుడీదార్ ఏసుకుని ,మా యూనివెర్సిటీ లో lh3 ముందు వున్న బండ రాయి పై కూర్చుని మసక చీకటిలో చంద్రోదయాన్ని చూస్తూ ''మనసున మల్లెల మాలలూగెనే ''పాట పాడాను . తను ''చాలా బాగా పాడారు '' అని కాంప్లిమెంట్ చేసాడు . అలా ఆ ఘట్టం గడిచిపోయింది . 
ఆ తరువాత చాలా ఏళ్ళకి పాపాయి కూడా పుట్టేసి కాస్త పెద్దది కూడా అయిపోయాక ఒక రోజు మా ఆయన కారులో ఎక్కడికో వెళుతూ నాకు ఫోన్ చేసి ''ఆ రోజు నువ్వు పాడావే మనసున మల్లెల మాలలూగెనే  పాట అదొచ్చింది రా ఇప్పుడు fm లో .. కానీ ఆమెవరో నీ అంత బాగా పాడలేదు '' అనేసాడు  భానుమతి గార్ని .. తన పక్కన పండితమ్మన్యులు ఎవరూ లేరని తెలుసు గనుక గుండె దిటవు చేసుకుని ఏమి నా సౌభాగ్యము అని ముచ్చట పడ్డాను . 
ఇన్నాళ్ళకి ఇవాళ నా స్నేహితురాలు పాపాయి వాళ్ళ నానకి నాకు ప్రేమ ఇంకా ఏర్పడక ముందు నేను నా ప్రతిభను ప్రదర్శించడం కోసం పాడిన ''రాత్  షబ్నమి భీగి  చాందినీ ... '' పాటని గుర్తు చేసింది . తనకి కాస్త పాడి వినిపించాక , సరే గుర్తొచ్చింది కదా అని ప్లే చేసి వింటున్నాను ,ఇంతలో స్నానం చేసి వచ్చిన పాపాయి ఆ పాట  విని ''ఎవరామె ?నువ్వు పాడినంత బాగా పాడటం లేదే .. నువ్వెంత స్వీట్ గా పాడావమ్మ ''అనేసింది ఆశా భోంస్లే గారిని . 
దీనికంతటికీ అర్థం   సుధీర భలే పాడుతుందని అస్సలు కానే కాదు ... సుధీర  సౌభాగ్యం అంతటిదీ అని ....:).