ఇవాల్టి ముచ్చట

మొన్నేమయిందంటే పాపాయి స్కూల్ నుండి ఫోన్ చేసింది.ఆ మొన్న చుట్టీ తీసుకుంది కదా! అమ్మా ,నానలిద్దరూ ఆ విషయాన్ని డైరీలో రాయటం మరిచిపోయారు.అందుకని వాళ్ళ సారు ,పాపాయి చేత ఫోన్ చేయించాడు .పాపాయి ఫోన్ చేసింది .ఫోన్ నానెత్తాడు  ''నానా  డైరీలో సైన్ చెయ్యలేదు నువ్వు .ఎడ్వర్డ్ సారు రమ్మంటా వుండాడు దా నానా ''అన్నది .అని మళ్ళీ ఎందుకైనా మంచిదని చెప్పి ''నానా ..నానా పేంటేసుకు   రా  నానా '' ,అన్నది .నాన ఇంట్లో షార్ట్ వేసుకుని ఉంటాడు కదా ,అట్లాగే వచ్చేసే ప్రమాదముందని దాని జాగర్త .

పాపాయి వాళ్ళ స్కూలు మా ఇంటి పక్కనే .అందుకని చీటికి మాటికి ఏమి అక్కరొచ్చినా వాళ్ళ ప్రిన్సిపాల్  సారు ఫోను పుచ్చుకుని, ఫోను చేస్తుంది .సారు కూడా పక్కింటి స్నేహం తో ఫోన్ ఇస్తాడు .అట్లాగా ఈ రోజు మళ్ళీ ఫోన్ చేసింది ఫోన్ నేనెత్తాను''అమ్మా, నాన డైరీ పెట్టడం మరిచి పోయ్యాడమ్మా. ఒక రోవ్వంత పంపిచ్చమ్మా ''అన్నది .నేను సరెలేవే అని ఫోన్ పెట్టేసాను .మళ్ళీ రెండో సెకండ్ లో ఫోనొచ్చింది. ఏందా..?అని తీసాను. పాపాయే''అమ్మా !అమ్మా !నాన  పక్కనే వుండాడామ్మా ''?అన్నది .''లేడు రా  ''అన్నాను .పాపాయి వెంటనే ''అమ్మా ...అమ్మా నానని పిలిచి తిట్టు ''అని ఫోన్ పెట్టేసింది .డైరీ పెట్టనందుకు నానకి అక్కడనుండే శిక్ష వేసేసిన్దన మాట . మా అమ్మాయి .