చదవడానికిప్పుడు
అప్పుడు నేను మా అమ్మాయి కలిసి ఆదివారం సంతకి వెళ్ళాం .బెంగాల్లో వారంలో ఒక్కో రోజు ఒక్కో ప్రాంతంలో సంతలు జరుగుతాయి .ఆవులు గొర్రెలు ఇంకా అన్ని వస్తువులు అమ్ముతారు .మేం వెళ్ళాం కదా .అక్కడ చాలా గొర్రెలు ఉన్నాయి .అప్పటికే నా స్నేహితురాలు చెప్పింది మగదైతే మనం కూర్చుని ఉన్నప్పుడు తలతో డీ కొడుతుంది ,పాపాయి ఉంది కదా అని .వాళ్లకి చాలా గొర్రెలు ఆవులు ఉన్నాయి తను స్వయంగా పసుల కాపరి కూడా అందుకే చాలా అనుభవం .అదీ కాక నాకు అమ్మాయిలంటేనే ఇష్టం .సరే సంతకి వెళ్ళాం కదా అటు ఇటు తిరిగి చూశాం .మా శాంతి కనిపించింది .మా శాంతి ఎంత అందమైనదంటే ఎలా చెప్పాలి ...పోలిక రాటం లేదు. ఆ అందానికి ఆశ్చర్య పడి ,తెచ్చేసుకుని స్నానం పోసేసి ,శాంతి అని పేరు పెట్టుకున్నాం .
దానికప్పుడు నాలుగు నెలలు ఇప్పుడు మూడేళ్ళు .మా అమ్మయితోనే తిరిగేది .ఎటు వెళితే అటు .శాంతి అంటే వచ్చేస్తుంది .దానికి గడ్డి తినడం అస్సలు నచ్చదు.దోసలు ,మురుకులు వంటివి చాలా ఇష్టం .కానీ పాపం చాలా అనారోగ్యం చేసేస్తుంది .అప్పుడు పాపాయి వాళ్ళ నానకి చాలా పని ఔతుంది .ఒక్కో సారి అంటే ఆది వారాలు నానకూడా ఇంట్లో ఉండిఅందరం కనపడితే దానికి చాలా సంతోషం వేసి డాన్స్ చేస్తుంది .దాని తరువాత మేం కాంచన రాజ మల్లికాలని తెచ్చాం .వాళ్ళ ముగ్గరికి మంచి స్నేహం .ఎప్పుడు కలిసే ఉంటారు .నేను పొద్దుటే పూజ పూర్తి చేయగానే మా శాంతి దేవుడుకు పెట్టిన పూలన్నీ ఒక్కటి ఉంచకుండా తినేస్తుంది మా కాంచు కొబ్బరి చిప్ప పట్టి కేళి పోతుంది మా రాజమ్మ మాత్రం చాలా డీసెంట్ .దానికిలాటి పనులు అసలు నచ్చవ్. కానీ బాధ ఏమిటంటే ముగ్గరూ మాతోనే బెడ్ రూం లోనే ఉండాలంటారు .శాంతి కేమో చాలా సార్లు ఉష్హు వస్తాయి అదో కష్టం .పాపాయి వాళ్ళ నానకి పోయిన సారి బదిలీ అయినప్పుడు అస్సలు గడ్డి దొరకక చాలా కష్ట పడ్డాం.అందుకని శాంతిని ,రాజ హంసలని ,ఈ ఊళ్ళో విపరీతంగా నక్కలున్టాయన్నారు అందుకని కుందేళ్ళని కొన్ని పావురాలని మా ఊరికి పంపాం.పాపం బిడ్డ రాజమండ్రి వరకు లారీలో తరువాత కారులో దాదాపు 2000 కిలో మీటర్లు .ప్రయాణించి వెళ్ళింది .దాని అందం దానికెంత కష్టం తెచ్చింది కదా .
పాపాయి బడికి వెళ్ళడం మొదలు పెట్టింది కదా ,ఈ సారి కొంచం దీర్ఘంగానే వెళుతుంది .ప్రతి రోజు ఇంటికి రాగానే చెపుతుంది ,అమ్మ నా పెన్సిలెవరో దొబ్బేసారమ్మఅని [డిగ్రీ లో నాకో ఫ్రెండ్ ఉండేది కడప పిల్ల వాళ్ళు ఎవరైనా తీసుకున్నారనో. వెయ్యమనో చెప్పడానికి దొబ్బడం అని వాడుతారు తలుపు వెయ్యి అంటే తలుపు దొబ్బెయ్ ..అని ఇట్లాగ అనమాట ,నేనా మాట కేచ్ చేసి నా కూతురికి కూడాభోదించాను }నాకు ఆశ్చర్యం వేస్తుంది ,మరీ రోజు ఎలా కొట్టేస్తారని .లేదే నువ్వే ఇచ్చేస్తున్నావ్ అంటాను ,కాదమ్మా అంటుంది .ఈ మధ్య వాళ్ళ క్లాస్స్ మేట్ మాతోనే వస్తుంది ,ఆ పిల్ల వచ్చి రాగానే చెప్తుంది నా పెన్సిల్ చురీ అయిందని వాళ్ళ అమ్మతో .నాక్కొంచెం అర్థమైంది .అందరికీ ఇదే ప్రోబ్లం అని .ఇంకో రోజు చెప్పింది పాపాయి, అమ్మ.... నా హానీ లూప్స్ స్కేలు సుమన్ దగ్గిర ఉండింది ,ఇది నా స్కేలు అంటే ఆ పిల్ల ఆహా ఇది నా తమ్ముడుది కావాలంటే చూడు నా తమ్ముడు పేరు కూడా అందమ్మా . కానీ అది నా స్కేలే అమ్మా అంది .సరే పోనీలేవే అన్నానా, మరుసటి రోజు ఒక కొత్త పెన్సిల్ పటుకొచ్చింది .అమ్మా .. సుమన్ పెన్సిల్ తెచ్చేసా అంది. అలా తప్పు కదా రా బంగారు! ఒకరు తప్పు చేస్తే మనమూ చెయ్యొచ్చా అన్నాను ,ఆ .....అయితే ఆ పిల్ల నా స్కేలు దొబ్బెయలా అమ్మ ..అంది సమ న్యాయ సిద్ధాంతం ప్రతిపాదిస్తూ ..నేను చాలా దిగులు పడ్డాను ,తరువాత ట్యూషన్ టీచర్ చెప్పింది ,అదేం అంత దిగులు పడాల్సిన విషయం కాదు నా దగ్గర పిల్లలందరూ ఇలాగే పాపం మొదట్లో మా పెన్సిల్ పోయిందని చెప్పుకుంటారు కొన్ని రోజులకి నేను ఫలానా వాళ్ళ పెన్సిల్ తీసుకొచ్చేసానని చెప్తారు .ఏం పర్లేదు కొన్ని రోజులు పోతే వాళ్ళే తెలుసు కుంటారని అంది.
