అల

 

నిర్విచారపు నిర్మల మధ్యాహ్నం 

పంజరంలో బాల్యపు మైనా 

కొన్ని జ్ఞాపకాలు వత్తిగిలి పడుకున్నవి 

ప్చ్ ! వద్దన్నా వదలకున్నవి 

అలమార లోపల ,ఆ లోపల ఇంకో రహస్యపు అర 

అరలో అలా ? అల ల ల లాలా?

అందులో వెదురు పెట్టె ఒకటి 

చిగురులతో  పచ్చటిది 

అవునూ  

అందులో ఏముందో ఎవరికైనా ఎందుకు పంచాలి ?

ఆ నది పక్కన పిల్లల్లా రాళ్ళు కొట్టాలి  

కలలా  చిరునవ్వులా 

వేలు చితికితేనో 

ప్చ్ అసలట్లా  కాదు !

తనన్నదీ పోమ్మన్నారూ  అని 

తనకైనా ఎవరికైనా 

చిన్నప్పుడు ,గెలిచేందుకే  ఎగుర వేసిన  

పల్లంచి రాళ్ళలా 

నాలుగు రాళ్ళు కావాలి 
అప్పుడిక   

పో!పో! నువ్వే పో !

పది సార్లు  పో!

ఒంద   సార్లు పో !

నువ్వే పో !

లెక్క వేస్తే గుప్పెడైనా లేవు రోజులు 

పాపం అంతలోనే  ద్వేషిస్తారు 

అయ్యో ఆమె అసూయా దేవి  

పోన్లే  ,పోన్లే ,పోన్లేమ్మని 

దయాకరులమై హసించి ,ఉదయించి,దయుంచి 

కానీ 

ఎన్ని సార్లున్చుతాం 

ఒక వీరుడు మరణించిన 

వేల వీరులుదయింతురు  

వీరుడులు , డులు..లు 

అని కదా !!!కదా ఆ ..ఆ.. ??

నిర్మల మద్యాహ్నం 

బాగుంది సంపెంగ పూలలా 

జల జల రాలిపోయినా ...

చెదరని సువాసనలా